Photos: Viva Live | @imdarylong
“Recently din na-hospitalize ’yong mom ko, na-operahan siya and then ang daming nangyayari sa akin, e…ngayon, engaged na rin ako…kaya lahat ng kakantahin ko, lahat konektado doon sa nangyari sa buhay ko.”—Daryl Ong
“Love finds a way,” ang binitiwang tagline ni Sam Concepcion sa social media video invite para sa nalalapit nilang digital concert nina Janine Teñoso, Daryl Ong, at Katrina Velarde, ang FOUR HEARTS.
In the same manner, all four found a way to still perform despite the challenges of the pandemic. Their common passion for performing ang nagbigay-daan, so to speak, for them to easily give this foursome collab concept ng Viva Live a go.
In the case of magka-ibigang Daryl and Kat, kumakanta-kanta naman daw sila sa Kumu pero iba pa rin pag conceptualized event. Kaya kahit limited resources and galawans—lalo pa’t natapat na nag-ECQ na naman sa Metro Manila at the time na magre-rehearse at magus-shoot na sila for the concert—they all found a way para buuin sanib-p’wersa nilang mga legit talents.
Iba-iba rin nang estado ng mga puso ng apat na performers kaya iba-iba rin ang mao-offer nilang perspectives on love and relationship na idadaan nilang lahat sa kanta.
Si Kat at Daryl ay parehong happy puso bilang new misis si Kat na kakakasal lang last May sa international musician na si Mike Shapiro, habang si Daryl naman ay newly engaged sa kanyang girlfriend o five years na si Dea Formilleza. Biro pa nga niya sa online press conference ng kanilang concert kamakailan, laking pasalamat daw niya at “hindi natauhan” si Dea after five years ng kanilang relasyon.
Si Janine naman, kahit hindi kami naniniwalang hindi pa sila ng ka-“Pelikula” collab niyang si Arthur Nery, will represent ang mga pusong “naka-let go na” sa FOUR HEARTS concert.
“Since I’ll also sing my own songs, from my new EP, ’yon nalang din ang i-impart ko na it’s okay to be alone in this season [of pandemic]…It’s okay not to depend on your own relationships, it’s okay to process yourself.”
(Tungkol nga kasi sa moving on ang tema ng kanyang new EP na Kwento sa Silid).
Si Sam ang legit na single at natawa kami sa naging sagot niya sa digital conference regarding love advise.
“I don’t know if I’m the best person to give advice. [on love],” natatawang attempt sumagot ni Sam “But that’s what I try to talk about through this show…my past experiences, my current experiences…and I hope people will find something in it. I don’t intend to have the answers for them [the audience]. But what’s important is making that connection through our songs.”
Happy daw sila na binigyang-laya silang apat to sing their respective original songs sa concert at sa case ni Daryl Ong—who says this concert is very personal to him—may isa siyang bagong kanta na ila-launch niya sa concert.
“Magiging personal siya for me kasi ang topic ng concert na ito ay kung paano makipag-communicate sa mga significant na tao sa buhay mo with the challenges of this pandemic na kinakaharap natin ngayon,” lahad niya sa press. “And recently din na-hospitalize ’yong mom ko, na-operahan siya and then ang daming nangyayari sa akin, e…ngayon, engaged na rin ako…kaya lahat ng kakantahin ko, lahat konektado doon sa nangyari sa buhay ko.
“Meron akong isang kanta, it’s called ‘Lagda,’ an original song na written and composed by Mike Shapiro and Thyro [Alfaro]. Nauna ko na siyang i-record bago ko upuan ang lyrics, bago ko na-realize na pang-kasal pala ito ...it’s about finally lalagda na tayo…it’s time na manumpa tayo sa Maykapal na habang buhay tayong magkasama.
“Sabi ko, ‘Sama ko na ito sa repertoire ko sa concert.’ Thankful ako sa Viva [Records] na kahit hindi pa nare-release, makakanta ko na. Malo-launch tuloy sa show.”
Exciting to dahil ang gagaling ng apat na ’to. Sulit na sulit ang P1K na presyo ng tickets dahil world-class namang mag-perform ang mga ito. Si Janine nga, ayon at kakalabas lang ng fez sa Times Square NYC billboard. Chosen lang naman siya ng Spotify, along with two other international performers na ilagay do’n to represent its Global EQUAL Playlist.
Ang FOUR HEARTS ay produced ng Viva Live, the same production that gave us Sarah Geronimo’s TALA digital concert and the Rico Blanco Songbook: Musical Stories by Rico Blanco streaming special. (Both world-class musical productions are still available for streaming on Vivamax, by the way).
Directed by Paolo Valenciano, the FOUR HEARTS digital concert is scheduled on August 28, 2021 at 8pm.
For only P1000, it can be viewed on KTX for Philippine audiences and on the IWANTFC and TFC IPTV platforms for audiences on other territories.
For ticket inquiries, call Viva Live at (+632) 8687-7236 or (+63908) 814-4601
YOU MAY ALSO LIKE:
Sam Concepcion, Janine Teñoso, Daryl Ong, and Katrina Velarde, bibida sa FOUR HEARTS digital concert
Daryl Ong is planning to cover an Indonesian song under Viva Records
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
0 comentários :
Post a Comment