PHOTOS: @TheMissUniversePH on Facebook
Wagi ang pambato ng Cebu City na si Beatrice Luigi Gomez na makuha ang korona sa katatapos lang na Miss Universe-Philippines pageant na ginanap sa Bohol.
Sa kanya ipinasa ni Miss Universe Philippines 2020 Rabiya Mateo of Iloilo City ang korona sa grand coronation ng beauty contest na ginanap sa Hennan Resort Convention Center sa Panglao, Bohol ngayong gabi, September 30.
Maliban sa Miss Cream Silk at Miss Luxxe ImmunPlus Game Changer special awards, nakuha din ng 26-year-old model and Philippine Navy reservist ang dalawang major awards ng entire competition gaya ng Best in Swimsuit and Best in Evening Gown.
Samantala, ang pambato naman ng Taguig na si Katrina Dimarana ang itinanghal na Miss Universe Philippines Tourism, habang si Victoria Velasquez Vincent ng Cavite ang nanalong Miss Universe Philippines Charity.
Hindi man sila magko-compete sa international pageant, they are in line to take over, respectively, in case the national winner could not fulfill her duties.
Ang Star Magic artist na si Maureen Wroblewitz ng Pangasinan ang nagwaging first runner-up, habang si Steffi Rose Aberasturi naman ng Cebu City rin ang nag-second runner-up.
Kabilang naman ang fan-favorite na si Kisses Delavin ng Masbate sa mga nakapasok sa Top 10. Humakot din s’ya ng ilang special awards such as Miss Red Fox Philippines, Miss Luxxe White Face of the Universe (Miss Photogenic), and Miss Universe Philippines Lazada.
Ito na ang ikalawang stand-alone beauty pageant ng Miss Universe Philippines matapos makuha ng Miss Universe Philippines Organization ang Miss Universe franchise sa Binibining Pilipinas Charities, Inc. (BPCI) noong 2019.
Sa kanyang pagkapanalo, si Beatrice ang kakatawan sa Pilipinas sa gaganaping Miss Universe competition later this year sa bansang Israel.
Doon ay susubukan n’yang makuha ang ikalimang Miss Universe crown ng bansa para maihanay sa mga previous Pinay Miss Universe winners na sina Gloria Diaz (1969), Margie Moran (1973), Pia Wurtzbach (2015) at Catriona Gray (2018).
Congratulations, Beatrice!
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
Cebu City’s Beatrice Luigi Gomez clinches Miss Universe Philippines crown
Source: Pinoy Ako News
0 comentários :
Post a Comment