Maging lawyer daw ang target noon ni Senate President Tito Sotto kaya nga Bachelor of Arts ang kinuha niya bilang pre-law na kurso. Iyon din daw kasi ang gusto rin ng tatay niya.
Natanong namin siya tungkol dito nang makapanayam namin siya via Zoom kamakailan. Sa pagkaka-alam kasi namin ay music ang kanyang first love. In fact, naging VP pa nga siya ng Vicor Music Corporation noong araw na pinaka-malaking music label sa Pilipinas noong 60s and even up to now.
Thus, we asked kung ang tinahak ba niyang landas ng pulitika ay bahagi ng pangarap niya noong araw.
“Hindi ko masabing yes,” panimula niya. “No’ng elementary hanggang high school ako, I wanted to be a lawyer. And my dad wanted me to be a lawyer…
“Inagaw ako ng showbiz dahil nag-combo kami,” natatawang tsika niya. “Habang nagko-college, nag-combo kami. Pagkatapos ko ng Bachelor of Arts sa Letran, almost 5 years ’yon kasi meron akong iniwan [subjects]—MS 11 saka MS 12, ROTC. Hahaha! Kaya hindi ako naka-graduate ng 1968.”
(In the 60’s, Senator Sotto joined the band, Tilt Down Men, along with his brother Val. By the 70’s, 1977, naging vocalist naman siya ng short-lived band na Bluejeans, na napalitan ng VST & Company. Two of his memorable compositions were “Balatkayo” na biggest hit ng maternal cousin niyang si Anthony Castelo; at ang “Magkaisa,” na itinuring na anthems ng 1986 People Power Revolution)
“I thought I was really gonna take up law,” pagpapatuloy niya. “Kaya AB kinuha ko, e. I thought I was going to be a lawyer, ’yon pala I’m going to be a lawmaker.”
(He was elected in the senate in 1992 and is now serving his fourth term. Prior to that, he was vice mayor of Quezon City from 1988 to 1992.)
Maaari daw totoo ’yong it runs in the blood na kasabihan dahil baka unconsciously ay nahahasa na pala siya for public service, having grown up with relatives who were in politics.
“Siguro, because…baka it runs in the blood nga. Siguro dahil ’yong lolo ko, senador (his namesake Vicente Sotto), and meron akong pinsan, si Noli Sotto, he was the vice governor of Vicente Duterte, ’yong father ni President [Rodrigo Duterte]. Ganoon ’yong relasyon namin noong araw. Pareho naman silang taga-Cebu, napunta ng Davao, doon sila, e. Si Vicente Duterte na governor ng Davao noon—when Davao was still one—ang vice governor niya, si Noli Sotto, pinsang buo ko.
“So, siguro subconsciously meron talaga sa aming ganoon. Hindi mo lang nakikita ahead. But I wanted to be a lawyer during that time.”
Nevertheless, malaking-malaking bahagi pa rin daw ng pang-araw-araw na buhay niya ang music.
“It’s my first love, together with Helen [Gamboa, his wife of 52 years],” aniya.
“’Yon ang isa sa common sa amin aside from being religious, ’yong musicality. Malaking bagay sa aming mag-asawa ’yon. Kaya sa bahay, anywhere in the house, meron kaming mga speakers. Nagpapa-tugtog kami. Minsan nagtatalo kami ano ang maganda at hindi.
“I will always be a musician. I’ve always said this, pag tinatanong ako, ‘How do you want to be remembered?’ Number one, sinasabi ko kaagad: a musician by profession, an anti-drug advocate by vocation, a public servant by conviction.”
Last September 8, nag-deklara si Senator Tito Sotto
na tatakbong bise-presidente ng bansa sa 2022 elections at si Senator Ping Lacson ang kanyang presidente. Ang tandem nila ni Senator Ping ang kauna-unahang nagdeklara ng kanilang kandidatura.
Dahil dito, lumalabas na direkta na nilang tinatapan ang pangulong Duterte at kung sinuman ang i-endorso nitong kandidado sa pagka-presidente at bise president. Prior to this shift, kilalang ka-alyado sila ng outgoing president.
Kaya nahingan namin ng reaksyon ang musician senator kung aware ba siya sa lumalabas na mga theories na tumatakbo lamang sila—even ang Isko Moreno-Willie Ong tandem at si Manny Pacquiao—to diffuse the votes for the opposition para mas maging solido ang sa administrasyon.
“Mahahati daw? Mahahati sa oposisyon para ’yong kandidato ng administrasyon ang manalo?” pag-echo niya sa sinasabi namin.
“Narinig ko na rin yan. Hindi p’wede sa amin [ni Ping]. Una, walang makakapag-udyok sa amin na basta kami tumakbo or wag tumakbo, e. Ang mentality namin at ang thinking namin, makikita sa track record namin, e. Although, kaibigan namin.
“Mas mabuti pagbintangan nila kami na kami ’yong kandidato ng administrayson kesa pagbintangan na taga-diffuse kami ng oposisyon,” natatawang dagdag niya. “Di totoo ’yon. Narinig ko na rin yan. Mga enablers daw kami.
“How can we be enablers when ang administrasyon, wala pang kandidato.? Wala pa nga silang president, e. ’Yong grupo nila Secretary [Alfonso] Cusi, si Manny Pacquiao naman…grupo nina Senator [Nene] Pimentel, me presidente na sila, si Manny Pacquioa, wala naman silang bise presidente…
“So, ’yong PDP-Laban, me problema pa. Mga kaibigan ko naman sila. Inaamin naman ni Senator Pimentel na medyo masakit ’yong ulo nila doon sa issue pa nila hanggang ngayon.
“So, paano nila kami pagbibintangang enabler, e, wala pa ngang kandidato ang administrasyon, e. Nauna na nga kami, e.”
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
Music man Tito Sotto, nangarap maging lawyer “’yon pala magiging lawmaker ako.”
Source: Pinoy Ako News
0 comentários :
Post a Comment