Isa sa malaking factor kung bakit no-brainer para kay Megastar Sharon Cuneta na tanggapin ang alok ni Coco Martin na maging bahagi siya ng FPJ’s Ang Probinsyano ay si Da King FPJ mismo.
“FPJ was my best-best friend in the business,” pagbabalik-tanaw ni Mega during her welcome media con para sa FPJAP.
“I really wanted to be a part of this because Coco has maintained FPJ’s legacy and made it shine even brighter. So, I’m grateful to Coco for that and Tita Susan [Roces] also because this really belongs to FPJ and I’m glad that I’m finally going to be a part of it as my tribute to him.”
At dahil sa mga kuwentong ito ni Shawie ay natanong siya kung ano ang unforgettable moments niya with the showbiz industry legend na si FPJ.
“Our nickname for each other is ‘Clatfoot’ kasi when we were shooting Kahit Konting Pagtingin Part 1, nasa field kami naka-wedding gown ako, buong gabi na kaming nagso-shoot tapos sumilip siya sa camera sabi niya, ‘Dali-dali nandy’an na ‘yung clatfoot.’ Sabi ko, ‘what’s clatfoot?’
“Sabi niya, ‘It’s the sun, it can stand for anything, it could mean anything.’ Sabi ko, ‘Clatfoot?’ Tapos nag-stick na.”
Dahil doon, hindi na naawat si Mega sa pagkukuwento tungkol sa Clatfoot BFF niya.
Isa pa sa talagang tumatak sa alaala niya ay ’yong inaayusan na ang mga labi nito sa simbahan. Alas-kuwatro na daw ng madaling-araw noon at katabi umano niya noon si Daboy [Rudy Fernandez].
“I was the first one there, I was with Kuya Mar De Guzman-Cruz and then I talked Tita Susan [Roces] on the phone and she said, ‘Shawie, wala na ang Clatfoot mo.’”
At para hindi lumungkot, dinala niya sa happy memories ang k’wento.
“Memorable experiences? Marami. ’Yan ang ninong ni KC [Concepcion], siya nagturo kay KC mag tong-its, mag-pusoy… kasama ko sa set kasi si KC noon kahit sa Konting Pagtingin Part 2.
“Tapos minsan, nandito ako sa ABS for the taping ng opening of music video of my show, The Sharon Cuneta Show. Parang Saturday morning ng madaling araw, he called me. ‘Clatfoot, punta ka dito.’ Sabi ko, ‘Ay nagsu-shoot po ako.’ Sabi niya, ‘Sige na, nagyayabang ako dito…’
“Alam mo where he made me go? Malapit sa Sto. Domingo Church, may isang sari-sari store tapos ‘yung lolang nagtitinda ro’n, suki niya. ‘Sabi sa inyo kilala ko si Sharon Cuneta. Ayan, napapunta ko dito,’” tawang-tawang pagbabalik-tanaw ni Sharon sa mga pagbibiro ni FPJ noon. “Malapit lang kasi kaya pumunta ako. Tapos ’yun lang, uminom lang ako ng soft drinks tapos bumalik na ako dito [sa ABS-CBN].”
Mahilig daw talagang mang-on-the-spot si late da King.
“Tapos ’yung tatawag siya, ‘Clatfoot, you have food in your house?’ Sabi ko, ‘Nothing. I want to sleep but I cannot…’ Sabi niya, ‘Kain tayo.’ Lalabas kami kahit ano’ng oras. I miss that.”
Isa pang naalala ni Sharon ang origin ng “Ma’am” na tawag sa kanya ni Robin Padilla. Si Da King daw pala ang nagpasimula noon.
“Dumadalaw siya [FPJ] sa set ko, sa set namin ni Robin…sa first or second day ng Maging Sino Ka Man. Dumalaw siya.
“Tapos sabi niya kay Robin, ‘Ikaw, ako alaga ko ’to, ah. Alagang-alaga ko si Ma’am—doon nag-umpisa si Ma’am, kay Clatfoot!
“So, parang napulot ni Robin do’n. Hanggang ngayon, Ma’am tawag sa akin, e. Hahaha!”
Pagpapatuloy niya habang kini-quote si FPJ na kausap kunwari si Robin: “Itong si Ma’am, alaga ko ‘yan. Pag magba-banyo ’yan, kailangan gentleman ka.’ Kaya ngayon si Robin pag magba-banyo ako, talagang [naka-bantay]. Kahit sino’ng leading lady niya. I guess, nakuha niya ‘yun sa mga katulad ni Da King.
“Tapos sabi pa n’ya [kay Robin], ‘Pag kayo nagkaroon ng eksenang yakapan, pag nakita kong masyadong masikip, masyadong tight ’yung yakap mo tapos gumalaw ang damit niya, poks kita ha!’ Hahaha! Niloloko niya si Robin,” masayang pag-alaala pa rin ni Sharon.
At kapag dumadalaw daw si FPJ sa set niya—kahit na sino pa ang direktor—ay natitigil daw ang shooting at nagiging kuwentuhan time daw. Gaya nang minsang dumalaw ito sa set ng pelikula nila ni Rudy Fernandez.
“Pag dumadalaw si Manager, si Clatfoot, stop lahat,” natatawa pa rin kwento niya. “Wala, kwentuhan. Tapos, masaya lahat. Masaya ’yung staff, masaya ’yung crew. S’yempre dinadalaw ka ng legend. Saka close ako sa kanilang mag-asawa. Hindi lang sa kanya.”
“I found parang ano, in FPJ, I had a father, a friend, a brother, a protector,” dagdag niya. “Ang sarap sumbungan kasi alam mo si FPJ siya. Hahaha! Pag may umapi sa’yo, alam mong to the rescue siya. Para siyang knight in shining armor sa aming lahat hindi lang sa akin pati sa boys at saka sa girls. Siya ‘yung pinaka-head ng family sa showbiz.
“So, I really miss that. So, many memorable experiences with FPJ po. I can’t pick just one and this is our tribute to him and I’m honored to be part of the show.”
But more than anything, ang pinaka-indelible na iniwan daw sa kanya ni Da King ay ang lesson ng tamang pakikitungo sa kapwa.
“Ang dami kong natutunan sa pakikisama sa tao… kung bakit siya tinawag na Da King? Hindi ’yung persona niya kundi ’yung nakasama mo siya bilang tao—very humble. The biggest stars that I’ve worked with are the most-humble. Yeah that’s 100%. ‘Yung mga may ere, hindi ko na nakikita ngayon. Hahaha!
“So, si FPJ ehemplo. Parang si Tito Dolphy. Ehemplo ng humility. Kung paano dalhin ’yung responsibilidad na merong ini-expect sa’yo ’yung tao dahil binigyan ka nila ng title. You only take that seriously because you want to give them what they expect or even more. He was a good person, humble, kind.”
Samantala, nagpasalamat naman ang host ng media conference na si Gretchen Fullido ng TV Patrol sa pagse-share ni Sharon ng mga priceless memories niya with Da King na hindi na inabot ng kasalukuyang henerasyon ngayon sa showbiz at maging ng present generation ng viewers.
Abangan ang paglabas ni Megastar Sharon Cuneta sa FPJ’s Ang Probinsyano gabi-gabi in the following platforms:
Kapamilya Channel, A2Z, TV5, CineMo, Kapamilya Online Live sa YouTube Channel at Facebook page ng ABS-CBN Entertainment, iWantTFC, WeTV, at iflix.
YOU MAY ALSO LIKE:
Sharon Cuneta at Rowell Santiago, balik-loveteam partners sa FPJ’s Ang Probinsyano
Pika’s Pick: Coco Martin officially welcomes Sharon Cuneta to the FPJ’s Ang Probinsyano family
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
Pagma-“Ma’am” ni Robin Padilla kay Sharon Cuneta, kay Da King FPJ pala galing
Source: Pinoy Ako News
0 comentários :
Post a Comment