PHOTOS: @yasmien_kurdi on Instagram
Ngayong nakalabas na sa lock-in taping ng Las Hermanas sina Yasmien Kurdi ay nakakaramdam daw sila ng separation anxiety ng mga co-stars n’yang sina Thea Tolentino at Faith Da Silva.
Binalikan ng aktres na si Yasmien Kurdi ang naramdaman n’yang takot ng magkasakit habang nasa lock-in taping ng teleseryeng Las Hermanas.
Sa virtual interview n’ya with GMA reporter Lhar Santiago na ipinalabas sa 24 Oras kagabi, September 3, sinabi n’yang natakot at nag-alala s’ya para sa kanyang mga kasamahan sa trabaho kung magkaka-COVID s’ya dahil marami ang madadamay.
“Natakot kami. Natakot actually ’yong buong production,” sabi ni Yasmien sa interview. “Ako personally, kaya ako natakot madami akong madadamay if ever.”
Matatandaang naiyak pa ang Kapuso actress sa kanyang YouTube vlog few weeks ago nang ibahagi n’ya ang mga naramdaman n’ya na kapareho sa sintomas ng COVID-19 gaya ng sipon, dry cough, diarrhea, at lagnat na umabot sa 38.2 degrees.
In the same vlog ay ipinakita rin ang pagpapa-RT-PCT test ng aktres para matiyak kung COVID na ba ang dumapong sakit sa kaya. Lumabas naman sa test na regular na trangkaso lang iyon dahil sa rainy season.
Anyway, ngayong nakalabas na sa lock-in taping sina Yasmien ay nakakaramdam daw sila ng separation anxiety ng co-stars n’ya sa upcoming TV series na sina Thea Tolentino at Faith Da Silva.
Magkakapatid ang role nilang tatlo sa teleserye pero parang ganu’n na din daw ang naging turingan nila sa isa’t isa even behind the camera.
“Nagkaroon kami ng parang ano…feeling na sepanx,” natatawang pahayag ni Yasmien. “Alam mo ’yon, separation anxiety talaga with my sisters, sila Thea Tolentino at si Faith Da Silva na lagi kong nakakausap nu’ng malayo ako sa family ko. Sila ’yong naging real life sisters ko.”
May patikim din ang StarStruck Season 1 alumna sa kanyang role sa Las Hermanas.
“Mahal ko si Dorothy, ’yong character ko dito dahil mapursige s’yang tao. Ginagawa n’ya ang lahat para maabot n’ya ang mga pangarap n’ya sa buhay at hindi s’ya susuko. Nandu’n s’ya bilang responsableng ate at mapagmahal na ate.”
Mapapanood ang Las Hermanas na pinagbibidahan nina Yasmien Kurdi, Thea Tolentino, Faith Da Silva, kasama si Albert Martinez sa GMA Afternoon Prime soon.
YOU MAY ALSO LIKE:
Pika’s Pick: Yasmien Kurdi laments the passing of her grandma, Teyta Laila Maamari Kurdi
Pika’s Pick: Yasmien Kurdi belatedly shares photos of her YouTube Silver Play Button plaque
Pika’s Pick: Yasmien Kurdi’s daughter Ayesha turns 7
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
0 comentários :
Post a Comment